السلام عليكم و رحمة الله و بركاته
هذا البوست مح يهم الكل ولكن فيه فئة كبييييرة ممكن تستفيد منه
و لان هالنوع من البوستات يهمني واهتم اعرف تفاصيل التفاصيل
صورت لكم كل تفصيلة بالاستقبال ..
نبدا اول شي بالتجهيزات
بداية قبل كل شي اخترنا الالوان اللي حابينها
زي مو شايفين في الصورة اللي فوق ،، الالوان كانت
ازرق - تيفاني - رمادي - اسود - ابيض
و كان الثيم هو الموستاش ( الشنب )
للاسف ما صورت الاشياء قبل التزيين ، هنا خلاص اتزين كل شي بس قبل ما نرتبه ع الطاولة
بعد ما دخلنا السرير تبع اختي اضطرينا نخرج كم كنبة ، و زبطنا الغرفة
بدأنا نزين الباب لفينا تل ابيض مع رمادي و ربطناه من ورا ، و حطينا لصق احتياط عشان لا ينفك
لفة التل والشرايط والورود كلها اخذتها من الهنداوية
بعدها عملنا فيونكة كبييرة بالتل الابيض ، لصقناها و لصقنا عليها هادي الحركات اللي فيها الموستاش جاهزة اختي طلبتها من امازون
بعدها حددنا الجدار اللي حتكون عنده طاولة الاستقبال عشان نزينه
اشتريت الزينة المكشكشة البيضاء من محل خردوات بجدة ،، لصقناها بغرا مسدس عشان ماتطيح
وهاذي نفس اللي ع الباب بس علقناها بطريقة عكسية
و فوق الطاولة بشوي علقنا هادي بلصق من الاطراف لانه خيط خفيف ، برضو من امازون
مفرش الطاولة كان زي السفرة بس المتيريال اثقل ، عليه طبعات الثيم من امازون
اما مفرش السرير انا خقييييت علييه ماشاء الله روووعة ، واحلى شي فيه انه خفييييف مو ثقيل
طلبته اختي من هذا الحساب بانستغرام
theuniquehouse
تعاملهم لطييف ، عندهم الوان متعددة و خيارات كثيرة
اختي طلبت ابو نفر يجي ثلاثة قطع بيت المخدة و شرشف السرير واللحاف اما المخدات اضافات سعرها لحالها
والمخدة المترترة تبع ماما اخذتها من كالفن كلاين
نرجع للطاولة و الاغراض اللي عليها ...
اما بالنسبة للميني كوكيز
طلبناه من هذا المتجر different cooki بالانستغرام
بنوتة من مكة تعاملها لطيف
بس للاسف حسابها اختفى شكله اتهكر
كنت عاملة لها تاق بس دخلته ولقيته متغير الاسم ومحذوفة كل الصور
طلبنا منها كمان كيكة الكوكيز
الميني كوكيز كان لذييذ ، حتى بعدها بكم يوم مازال طري ولذييذ
الكيكة حلوة ولذيذة كمان بس دسسسمة مليانة نوتيلا وطبقتين كوكيز و هيرشي تشوكلت
وانا مااحب التشوكلت الكثيير والاشياء الدسمة
بس اللي يحب النوتيلا كثيير والكوكيز حتعجبببه مره
الشي الثاني اللي ع الطاولة و من ضمن التوزيعات كان كتب حجم صغير من حصن المسلم
غلفناه بالشامواه وبعده شوية دانتيل ، وبالشريطة عملنا فيونكات و لولو
و طلع بهالشكل الجميييل
اللي بعده هالجرات الصغار القزاز شفافة
اخذناها من محل خردوات
عبيناها بعصير بلو كاديه ،، تقدروا تستبدلو العصير بموية و ملون طعام بلون الثيم اللي حابيينه
هالبرواز من ايكيا طبعنا فيه شعار الثيم
و اسم البيبي ومعناه
انا اخذت الصورة الخلفية من النت ،، و كتبت عليها الكلام اللي ابغاه ببرنامج phonto بالايفون
و حفظت الصورة و طبعتها
اكيد الكل عارف حامل الاصيص او الزرعات تبع ايكيا
حطينا فيه علب السكر
و لصقنا عليه استيكر الموستاش نفس الثيم
من امازون
هالصابون الكيووووت على شكل بيبي
حطيناه بصحون او زي التباسي الصغار بعضهم يستخدموها لتقديمات الحلى
بس احنا لصقنا عليها الصابونة بلصق خفيف عشان لاينعدم
حطينا على جنب شرايط و شعار الثيم وغلفناه بكيسة تحافظ عليه
اخذنا التباسي من الهنداوية
السلة ماخذينها جاهزة من الهنداوية بس زدنا عليها الشرايط والثيم
من التوزيعات كمان
علب صغار اخذناها من الهنداوية عبيناها فوفل
للي ماتعرف الفوفل ( حلاوة بولو - قرنفل ملبس - حلاوة نعناع )
من النقلي
و آخر شي من التوزيعات ...
لصقنا عليها شرايط و مصاصة صغنوونة من الهنداوية
آخر شي موجود ع الطاولة تبسي عبيناه مكسرات من النقلي
لصقنا عليها الثيم
و هاذي الطاولة بشكل كامل
التباسي الشفافة اللي عليها التوزيعات من الهنداوية
خلصنا من التزيين و طاولة الاستقبال
نتكلم عن تقديمات الضيوف من حلا و مالح
اول شي اخذنا من شوكولاين شوكولاتة مربعة نفس الحجم
الكيلو ب ١٣٠ ريال تقريبا
و غلفناها بنفس الثيم
على فكرة الثيم كله حددنا مقاساته و طبعناه في المكتبة
رتبناه بصحن ايكيا الابيض
بوكس الشوكولاته الازرق جاه هدية من خالي و مرته
مااعرف من فين
تمر محشي ومغلف حشوات مختلفة جابوه اهل زوج اختي ، برضو مااعرف من فين
اللي ع اليمين بالصحون الصغار بسبوسة ماما
ما مداني اصورها ماشاء الله اتنسفت ههههههه
و الصحن المغلف الله اعلم ايش وحدة من جاراتنا جايبته معاها
بسبوسة بالشعيرية من مرت عمي
بسبوسة بنت خالتي
كاان يوم حاااااافل بالبسبوسة ههههههه
و هذا التبسي المشجر فيه ميني كب كيك من جوي جابته بنت خالتي
واللي بجنبهم بسبوسة صحبتي اروى انا عملتها
بسبسنا بذمة و ضمييييير ههههههههه
نجي للمعجنات
تورتيا الفلافل
تارت مالح كلها من مرام هذا حسابها بالانستغرام
maramal50
التارت المالح كان لذييذ بنكهات مختلفة و خفيف
أما تورتيا الفلافل للاسف كانت نااااشفة محد قدر ياكلها كاملة مع انها صغنونة
تبسي ايكيا الابيض جمعنا فيه اغلب المعجنات
ميني عيش باللحم طلبناه من وحدة بمكة مشهورة فيييه
لذييذ و مفلفل
اسمها جميلة وهذا رقمها
٠٥٥١٧٨٩٠٣٦
ميني برجر طلبناه من هالحساب بالانستغرام teaparty_
بحشوات مختلفة دجاج نوعين زنجر و كودو و حلومي و فلافل كلها لذيييييذة
و طرية ماينشبع منها بصراحة
بس للاسف بطلت تعمل ميني برجر ، بس تسويها حجم وسط
مشكلتها ماترد ع الواتس اب بسرعة
سمبوسة دجاج و خضار اخذناها من ام ابراهيم وهذا رقمها
٦٨٧٣٣٩٨
لذيذة و كأنها شغل بيت
اما البيتزا الصغنونة ماما عملتها
و هنا ما صورته تمام كان معاهم ميني شاورما من مرام نفسها اللي حسابها فوق
عادية بصراحة
فرموزة لحم و جبن جابتها بنت عمتي لذيذة و صغنونة
ورق عنب و ملفوف طلبناه مرتين و كل مرة من متجر غير
الاول من متجر mary123333 بالانستغرام كان لذيذ و حاامض
كل شي فيه كان مستوي بالدرجة اللي احبهااا و خلص بسرعة ماشاء الله
هذا الثاني من مرام نفسها اللي حطيت حسابها فوق ، بصراحة ماعجبنا
الرز ماكان مستوي تمام ،، نفس ورق العنب مو مستوي مرة
الملفوف كان دبة و شكله مايشهي
غير انها مو حامضة ومالها أي طععم
و طلبنا منها كمان كفتة البطاطس بالتونة ما صورتها بس كانت لذيذة
آخر شي المويات اللي وزعناها عليهم غلفناها بنفس الثيم
واخترنا الحجم الكتكوت عشان يخلصوها بدل ما تنكب
كان فيه بلالين ما صورتها بنفس الثيم اخذناها من امازون
للاسف :(
هذا كل شييي عن استقبال ولد اختي الجميل ( حسن )
اتمنى هالبوست فاد لو القليل منكم
واللي استفادت منه بشيء ياريت تكتب في الكومنت
جد افرح بتعليقاتكم واحس فيه احد معايا بالخط مو اتكلم مع نفسيي ههههههه
بالاخير اتمنى من الكل يدعي لأختي و لولدها
الله يحفظه و يحميه ويبلغنا فيه بأحسن وأعلى المراتب
الله يجعله ولد بار في امه وابوه ، حافظ لكتاب الله ،، راضي مرضي و سعيد
و الله يرزق كل المحرومين
اللهم آميييين
بداية قبل كل شي اخترنا الالوان اللي حابينها
زي مو شايفين في الصورة اللي فوق ،، الالوان كانت
ازرق - تيفاني - رمادي - اسود - ابيض
و كان الثيم هو الموستاش ( الشنب )
للاسف ما صورت الاشياء قبل التزيين ، هنا خلاص اتزين كل شي بس قبل ما نرتبه ع الطاولة
بعد ما دخلنا السرير تبع اختي اضطرينا نخرج كم كنبة ، و زبطنا الغرفة
بدأنا نزين الباب لفينا تل ابيض مع رمادي و ربطناه من ورا ، و حطينا لصق احتياط عشان لا ينفك
لفة التل والشرايط والورود كلها اخذتها من الهنداوية
بعدها عملنا فيونكة كبييرة بالتل الابيض ، لصقناها و لصقنا عليها هادي الحركات اللي فيها الموستاش جاهزة اختي طلبتها من امازون
بعدها حددنا الجدار اللي حتكون عنده طاولة الاستقبال عشان نزينه
اشتريت الزينة المكشكشة البيضاء من محل خردوات بجدة ،، لصقناها بغرا مسدس عشان ماتطيح
وهاذي نفس اللي ع الباب بس علقناها بطريقة عكسية
و فوق الطاولة بشوي علقنا هادي بلصق من الاطراف لانه خيط خفيف ، برضو من امازون
مفرش الطاولة كان زي السفرة بس المتيريال اثقل ، عليه طبعات الثيم من امازون
اما مفرش السرير انا خقييييت علييه ماشاء الله روووعة ، واحلى شي فيه انه خفييييف مو ثقيل
طلبته اختي من هذا الحساب بانستغرام
theuniquehouse
تعاملهم لطييف ، عندهم الوان متعددة و خيارات كثيرة
اختي طلبت ابو نفر يجي ثلاثة قطع بيت المخدة و شرشف السرير واللحاف اما المخدات اضافات سعرها لحالها
والمخدة المترترة تبع ماما اخذتها من كالفن كلاين
نرجع للطاولة و الاغراض اللي عليها ...
هذا اللي على شكل عربية او سرير للبيبي اختي اشترته من الهنداوية
و صاحبتها زينته وساعدتنا الله يعطيها العافية
كل مرة كنا نحط عليه اشياء غير
مرة حطينا توزيعات الاطفال دي اللي بالصورة اخذنا العلب جاهزة من محلات خردوات
وحطينا داخلها حلويات
و مرة حطينا البوب كيك ، والميني كوكيز
حطينا فلين من تحت و غرزنا الاعواد عليها
الكيك بوب او البوب كيك طلبناه من متجر
sweetandsalt بالانستغرام
انتو تختاروا الاشكال والالوان اللي حابينها واذا حابين يكتبوا اسم البيبي عليه
اما بالنسبة للطعم ، بصراحة انا مااحب الكيك بوب احسه شي مررة حالي و كله سكر
ف مااقدر اقول اذا هذا حلو او لا ، لانه كله مايعجبني
افضل شي انكم تجربوا قبل لاتطلبوا
و اختي تقول ان الكيك كميته قليلة مرة و مو واضح انه كيك
اما بالنسبة للميني كوكيز
طلبناه من هذا المتجر different cooki بالانستغرام
بنوتة من مكة تعاملها لطيف
بس للاسف حسابها اختفى شكله اتهكر
كنت عاملة لها تاق بس دخلته ولقيته متغير الاسم ومحذوفة كل الصور
طلبنا منها كمان كيكة الكوكيز
الميني كوكيز كان لذييذ ، حتى بعدها بكم يوم مازال طري ولذييذ
الكيكة حلوة ولذيذة كمان بس دسسسمة مليانة نوتيلا وطبقتين كوكيز و هيرشي تشوكلت
وانا مااحب التشوكلت الكثيير والاشياء الدسمة
بس اللي يحب النوتيلا كثيير والكوكيز حتعجبببه مره
الشي الثاني اللي ع الطاولة و من ضمن التوزيعات كان كتب حجم صغير من حصن المسلم
غلفناه بالشامواه وبعده شوية دانتيل ، وبالشريطة عملنا فيونكات و لولو
و طلع بهالشكل الجميييل
اللي بعده هالجرات الصغار القزاز شفافة
اخذناها من محل خردوات
عبيناها بعصير بلو كاديه ،، تقدروا تستبدلو العصير بموية و ملون طعام بلون الثيم اللي حابيينه
هالبرواز من ايكيا طبعنا فيه شعار الثيم
و اسم البيبي ومعناه
انا اخذت الصورة الخلفية من النت ،، و كتبت عليها الكلام اللي ابغاه ببرنامج phonto بالايفون
و حفظت الصورة و طبعتها
اكيد الكل عارف حامل الاصيص او الزرعات تبع ايكيا
حطينا فيه علب السكر
و لصقنا عليه استيكر الموستاش نفس الثيم
من امازون
علب السكر
عاملينها للنفر نوزعها مع الشاي تكفي فنجان شاي
العلب الصغار من محل خردوات
هالصابون الكيووووت على شكل بيبي
حطيناه بصحون او زي التباسي الصغار بعضهم يستخدموها لتقديمات الحلى
بس احنا لصقنا عليها الصابونة بلصق خفيف عشان لاينعدم
حطينا على جنب شرايط و شعار الثيم وغلفناه بكيسة تحافظ عليه
اخذنا التباسي من الهنداوية
طلبنا الصابونة من متجر
Lady_flowers1
علب صغار اخذناها من الهنداوية عبيناها فوفل
للي ماتعرف الفوفل ( حلاوة بولو - قرنفل ملبس - حلاوة نعناع )
و آخر شي من التوزيعات ...
كيوووت حلوة لشنط السهرة احجامها اخذناها من محل اسمه
(مكياج ) في الستين - مكة
فيه عندهم اصلية و تقليد وتختلف اسعارها عن بعض
انا جربت الاصلية و بصراحة الريحة نفسسسها
تنفع للناس اللي يطفشوا من العطر بسرعة
لصقنا عليها شرايط و مصاصة صغنوونة من الهنداوية
مغلفة بأكياس حجم صغير نوزعها للنفر
مع الشاي
نتكلم عن تقديمات الضيوف من حلا و مالح
اول شي اخذنا من شوكولاين شوكولاتة مربعة نفس الحجم
الكيلو ب ١٣٠ ريال تقريبا
و غلفناها بنفس الثيم
على فكرة الثيم كله حددنا مقاساته و طبعناه في المكتبة
مااعرف من فين
تمر محشي ومغلف حشوات مختلفة جابوه اهل زوج اختي ، برضو مااعرف من فين
ما مداني اصورها ماشاء الله اتنسفت ههههههه
و الصحن المغلف الله اعلم ايش وحدة من جاراتنا جايبته معاها
بسبوسة بالشعيرية من مرت عمي
كاان يوم حاااااافل بالبسبوسة ههههههه
و هذا التبسي المشجر فيه ميني كب كيك من جوي جابته بنت خالتي
واللي بجنبهم بسبوسة صحبتي اروى انا عملتها
بسبسنا بذمة و ضمييييير ههههههههه
نجي للمعجنات
تارت مالح كلها من مرام هذا حسابها بالانستغرام
maramal50
التارت المالح كان لذييذ بنكهات مختلفة و خفيف
أما تورتيا الفلافل للاسف كانت نااااشفة محد قدر ياكلها كاملة مع انها صغنونة
تبسي ايكيا الابيض جمعنا فيه اغلب المعجنات
ميني عيش باللحم طلبناه من وحدة بمكة مشهورة فيييه
لذييذ و مفلفل
اسمها جميلة وهذا رقمها
٠٥٥١٧٨٩٠٣٦
ميني برجر طلبناه من هالحساب بالانستغرام teaparty_
بحشوات مختلفة دجاج نوعين زنجر و كودو و حلومي و فلافل كلها لذيييييذة
و طرية ماينشبع منها بصراحة
بس للاسف بطلت تعمل ميني برجر ، بس تسويها حجم وسط
مشكلتها ماترد ع الواتس اب بسرعة
سمبوسة دجاج و خضار اخذناها من ام ابراهيم وهذا رقمها
٦٨٧٣٣٩٨
لذيذة و كأنها شغل بيت
اما البيتزا الصغنونة ماما عملتها
و هنا ما صورته تمام كان معاهم ميني شاورما من مرام نفسها اللي حسابها فوق
عادية بصراحة
فرموزة لحم و جبن جابتها بنت عمتي لذيذة و صغنونة
ورق عنب و ملفوف طلبناه مرتين و كل مرة من متجر غير
الاول من متجر mary123333 بالانستغرام كان لذيذ و حاامض
كل شي فيه كان مستوي بالدرجة اللي احبهااا و خلص بسرعة ماشاء الله
الرز ماكان مستوي تمام ،، نفس ورق العنب مو مستوي مرة
الملفوف كان دبة و شكله مايشهي
غير انها مو حامضة ومالها أي طععم
و طلبنا منها كمان كفتة البطاطس بالتونة ما صورتها بس كانت لذيذة
واخترنا الحجم الكتكوت عشان يخلصوها بدل ما تنكب
كان فيه بلالين ما صورتها بنفس الثيم اخذناها من امازون
للاسف :(
اتمنى هالبوست فاد لو القليل منكم
واللي استفادت منه بشيء ياريت تكتب في الكومنت
جد افرح بتعليقاتكم واحس فيه احد معايا بالخط مو اتكلم مع نفسيي ههههههه
بالاخير اتمنى من الكل يدعي لأختي و لولدها
الله يحفظه و يحميه ويبلغنا فيه بأحسن وأعلى المراتب
الله يجعله ولد بار في امه وابوه ، حافظ لكتاب الله ،، راضي مرضي و سعيد
و الله يرزق كل المحرومين
اللهم آميييين
